【企業貸款】銀行開始閂水喉？中小企貸款必知二三事

2021年10月21日

2022.2.28 Update:

政府2022-23年《財政預算案》宣布，決定將「中小企融資擔保計劃」下所有信貸擔保產品申請期，延期一年至2023年6月底。百分百擔保貸款計劃每間企業最高貸款額由18個月僱員薪金及租金總和提高至27個月，上限由600萬增加至900萬，最長還款期由8年增加至10年。

百分百擔保貸款條款優惠，可惜唔少銀行已經「收水」，市面上仍然會審批百分百中小企貸款既銀行已經所剩無幾，只剩少數大行仍會考慮個別申請。我地最新推介同百分百擔保貸款相似嘅九成信貸擔保貸款計劃。

九成信貸擔保貸款最高貸款金額為800萬，年期最長為5年（60個月），固定年息4%（過我們銀行網絡申請即享利息及按揭保費回贈優惠）。詳細請看相關文章：銀行收緊審批百分百擔保貸款，改借九成中小企融資擔保貸款有出路（條件&所需文件）

=====================

百分百擔保貸款推行一年有多，陸陸續續會發現好多客戶既貸款申請被擱置。但又係咪因為客戶文件唔齊而然後沒然後呢？全港34間參與中小企融資擔保計劃既貸款機構，又有幾多已經閂水喉？邊間銀行最易批百分百擔保？

你可能唔知道嘅事

全港34間參與中小企融資擔保計劃既貸款機構，如：中銀、恒生、南洋、渣打、東亞，滙豐等等，原來經過一年既放貸，陸陸續續開始閂水喉。即使公司交齊文件，一旦向當中既機構提出申請，貸款申請就會無聲無息被擱置。而隨住早期部分公司破產既表現，亦導致文件審批及公司擔保人既還款記錄審查更嚴謹。所以，自己搵出面銀行其實係比較難批核，甚至會被無聲無息地擱置。

隨住百分百擔保貸款一直延長至3.0 Version，對於公司既營運年期亦有放寬。而銀行對於百分百擔保貸款所需文件，就包括咗公司銀行戶口既營運收據。不過，老闆們都知道要申請一個銀行帳戶並唔容易，而且時間頗耐。對於部分係2020年成立既公司嚟講，要趕係4月已經開設戶口並開始營運，顯然有啲「抆水」。但原來對於當時未有開設銀行帳戶既公司，其實可以以會計師既Audited Management Account取代銀行月結單。