【家族辦公室】富豪都在做，甚麼係股票信託？Part 2 

上集小編分享股票信託喺設計上花咗唔少心思，至少有兩重保護。今次就繼續分享多少少，大部分嘅信託公司仲會識得加多一重保護措拖，就係發行複數表決權特別股，即係針對特定事項發行具備否決權嘅黃金股。透過持有複數表決權特別股同埋黃金股嘅設計，可以喺重要決策上維持公司經營權功能，咁往後就較容易向好方面自由咁發展，而唔係向差果面自由咁惡化，委託人就會安心好多去放手堆股權。

1. 巴菲特、郭台銘等都用股票信託作為配置家族資產傳承的手段
2. 既可以傳承財富，也可以鞏固股權
3. 股票信託基本步驟和優點
   
   

當然營運管理規範嘅安排唔一定只有上面提到嘅兩種，實際上每個個案都有唔同嘅情況同遇到唔同嘅潛在風險，不如就等小編再例舉以下類型嘅信託例子，令大家更容易明白啦：

 

一、封閉式公司股權信託

 

封閉式公司係包括獨資、合伙、唔可以公開轉讓股份嘅有限公司，通常裡面管理結構簡單，小編有啲客戶委託人（原本公司大老闆）會選擇保留經營權，由自己安排下一任嘅話事人，或者直接由受託人全面參與公司營運，同之前提到嘅受託人義務南轅北轍。當然學蜘蛛俠套戲話齋：「能力越大，責任越大。」萬一出咗咩事，法庭都會認為信託係公司另一個「自我」，要求信託為公司債務危機承擔責任架。

 

二、股權信託中有複數受益人

 

對家族股權信託來講，通常唔只一位受益人，單單配偶、仔囡、孫仔孫囡，都已經可以數到超過10人，所以性格、喜好、利益訴求同風險承受能力一定出現好多差異，所以喺分配股權利益果陣唔排除會將家族旗下嘅生意分門別類去傳承，避免受益人之間嘅利益衝突，確保利益分配嘅公平公正。其中有一位客戶就直接定咗個繼承動作，唔鍾意冒險嘅受益人會得到相對安全而做剛需市場嘅公司股權，而有抱負同冒險精神嘅受益人就會得到針對具開發潛力領域嘅公司股權，另外有慧根兼大器晚成嘅受益人就會得到家族裡面最核心嘅業務股權。

 

三、管理型股權信託

 

依個例子係關傳承唔到落去嘅問題事。好多有錢人事業有成，但往往就犧牲咗健康，唔夠50歲身體總會有啲毛病阻礙工作，所以生前嘅時候就會喺個信託額外加插一位專業經理人，去開始代理盤家族生意。小編有位客戶身體欠佳而無辦法親自打理生意，又咁啱無生過小朋友，就唯有安排信託同專業機構去幫手，因為始終佢都唔想有其他人接手而改變咗公司嘅品牌價值。另外如果係出現無任何富二代願意接班或者成材嘅情況，信託同樣奏效。不過，受託人搞信託之前都未接觸過間公司，代理都可能產生市場風險、信貸風險等經營風險，所以坊間唔係好多信託公司能勝任，想要推薦就私底下搵小編啦。

 

最後，我哋可以睇睇現今社會嘅情況。根據證券及期貨事務監察委員會（Securities and Futures Commission，簡稱SFC）於2022年7月所發佈的《2021年資產及財富管理活動調查》，可以見到2021年香港嘅信託資產總規模已達到47,190億港元，而且係比上年多5%，當中87%（即係41,160億港元）由持牌法團或註冊機構管理住。更誇張嘅係以環球來睇，中國內地及香港嘅信託資產規模達到52%左右，可以見到今時今日我哋對於信託嘅需求係非常龐大架。

 

而且再按返信託嘅分類，同股權信託有關嘅「其他（包括家族辦公室及私人信託、慈善機構及其他法團）」，喺本港都佔24%，其實依個佔比真係不容忽視。較早前根據資誠聯合會計師事務所2020年調查更顯示，超過33%嘅企業家仲未考慮到傳承問題，表面上考慮將公司交俾仔囡或專業經理人去接手，但當中有44%得個諗字而未付諸任何行動。試想像吓，如果自己辛苦一輩子打下嘅基業，但係考量年紀越來越大，規劃將累積嘅財富移轉俾仔囡，但仔囡攞到財產後就隨意揮霍、不思上進，到時抱頭痛哭都於事無補。

 

依個時候就可以度身訂做一個股權信託，就可以順利傳承財富兼顧鞏固股權啦。喺信託生效期間將股權慢慢贈與俾下一代，同時亦保留彈性同空間去調整仔囡之間受贈比率嘅權利，等下一代唔會有任何放縱自己或誤入歧途嘅機會，而且保證家族企業唔會受到外界不良意圖嘅入侵，仲有專業機構協助管理信託財產，定期提供專業報告，合法做稅務規劃，咁就真正可以達到財富傳承同永續經營嘅目的啦。