【家族辦公室】為什麼你要做信託？移民慳稅，子女繼承，信託都可以幫到你EP3

今次講講信託嘅功能先!

五、信託嘅主要功能

 

上面提到，信託並唔係用來慳稅，如果單純用來慳稅，分分鐘仲會有反效果。舉個例子，委託人同銀行成立咗個信託，為期1年，將手上揸住嘅400萬股某某科技公司股票擺入信託裡面，仲將另外5個人寫成受益人。之後稅局就認為，信託契約簽訂之前受益人嘅利益已經係確定雖然未收到，所以同一道理委託人都會因為手上400萬股股票所產生嘅一年股息而有應計收入，最後稅局要求委託人補交194萬左右嘅稅金。當然委託人唔服氣上訴，但係同政府打官司又點會嬴呀，無罰款都算係咁啦。所以刻意避稅係唔岩嘅，雖然個例子嘅涉案人就真係做得太明顯而被稅局周到，但另外仲有好多特徵都會好容易引起稅局注意，其中包括信託生效期過短、委託人係大股東、受託人嘅任務過於單一等等。

 

讀者們了解信託嘅時候，應該留意嘅係佢嘅真正功能。例如委託人可以將財富分俾指定同姓嘅後裔，唔洗驚一下子俾哂財產後就會因為離婚而被外姓人分身家。又例如可以好好咁安排分配財產嘅時間點，唔會好似遺囑咁一下子過哂落去，保險極其量都只係做到每個月定額咁賠，唔夠貼近個人需要而安排。「肥姐」沈殿霞嘅家族信託就係一個好好嘅例子，大家見證住依家欣宜磨練過人生，變得生生性性，先能夠繼承媽媽嘅資產，依種信託設計一來可以俾下一代有自己奮鬥嘅機會，二來又唔洗擔心細路仲細唔識理財而將財產揮霍哂去，三來又會避免同一時間須要分錢俾所有家族成員又分得唔均衡而損害咗家庭關係。除此之外，一個良好嘅信託，仲可以保護信託財產唔受債權人嘅追訴，為個人財產、企業經營、專業執照等建立防火牆，甚至即時取代理財顧問，自動理財增值財富，等委託人安心退休，而最重要嘅都係段落開頭講到傳承分配嘅自由度，委託人仲可以趁仲在生無限次調整同彈性入錢攞錢，而且內容極高隱密性，唔會被身邊嘅人嘅花言巧語干涉。

 

如果讀者們想深入知多啲信託嘅功效，小編可以之後再分享多幾個客戶案例，每一位客人嘅人生可以話都係一本教科書，令到小編可以借鑑去幫助更多身邊有需要嘅人或提點後人，咁就請大家期待同關注Wealth Café Finance啦。最後小編就簡單列舉一啲成立信託嘅用途，比大家作個參考，當中包括並不限於：

• 財富管理及對抗衰老而引致嘅風險；
• 家族順利傳承，保障家庭安定和諧及富過三代；
• 遺產稅務規避；
• 將財產與個人分融及建立防火牆，無法因破產、離婚、還債、工作糾紛等法律責任而被強制執行；以及
• 針對個人財富私隱及重要信息作出嚴格保密。

 

六、選擇好嘅信託管理服務提供商

 

通常提供信託服務嘅公司有3類：銀行、律師樓、獨立信託公司。被選中嘅受託人係背負緊特別責任，而且個責任係跨幾代咁去履行，仲要無時無刻為受益人嘅重大利益做出正確嘅決定同行動，係非常重要架。所以，當揀選信託管理服務提供商果陣，必須有嚴格嘅標準，例如：

• 持有「信託或公司服務提供者牌照（Trust and Company Service Providers (TCSP)）」；
• 專業詳細解釋所有信託嘅法定文件，令到委託人清楚明白到信託相關嘅功能同風險；
• 擁有足夠嘅服務經驗，可以為委託人設計最合乎個人需求嘅信託內容架構同執行藍圖；
• 熟悉信託裡面啲賬戶財務狀況，同時有完善嘅記錄系統；以及
• 定時定候向受益人保持溝通，等佢哋了解信託嘅財務狀況同分配原則。

 

以上就係信託嘅基本需要知道嘅資料啦，如果大家想再了解更深入嘅知識，又或者與其咁煩自己要研究上面嘅野先諗搞唔搞信託，咁不如直接私訊小編啦，因為每一個家族信託嘅面貌都係獨一無二，係度身訂造架，自己點諗都未必諗到最準確嘅答案！但有一樣野至少大家睇完依篇文章就會知道，成立一個信託背後係需要各界嘅專業人士同機構去參與，所以優質嘅人脈關係係非常重要，無論銀行、律師樓定獨立信託公司，小編都有認識到可靠而專業嘅合作夥伴，有需要就唔好猶豫，來搵小編飲返杯咖啡啦！