company_logo
主頁過往講座會員專區關於我們
company_logo

【移民離港前清稅】手續、基本步驟與準備文件

2021年10月28日

如果一個唔小心唔記得清稅,咁分分鐘就會犯法,可被懲處繳交第3級嘅罰款$10,000!

 

更多文章:

【BNO移民英國】英國稅務常見概念,與香港有什麼不同?

【英國稅務攻略5】遺產稅还有免稅額?不分清楚一半身家蒸發

【英國稅務攻略4】拿退休金,長俸去英國都要交稅?

 

 

我哋近排都著重介紹咗移民去英澳加嘅稅項同Tax Planning建議,相信大家已經了解唔少喇。但喺稅方面,仲有一樣好重要但又好容易俾人忽略嘅嘢,就係離港前嘅清稅手續(P1),《稅務條例》規定:

 

即將離港超過一個月嘅納稅人都要喺離港前一個月進行清稅手續。

 

如果一個唔小心唔記得清稅,咁分分鐘就會犯法,可被懲處繳交第3級嘅罰款$10,000添!同埋如果移民去澳加,離開前想宣誓提取MPF,積金局都會檢查你有無清稅。所以一定要記得離港前最少一個月去稅局進行清稅手續呀!

1. 公司準備好IR56G form同糧單

以打工仔黎講,離職嘅時候同公司講計劃永久離開香港,公司就會幫你準備好IR56G form同糧單,但會hold住你最後一期糧,要等完成咗清稅手續之後先會發放俾你。

 

2. 僱員持IR56G form copy去稅局填寫報稅表

攞到IR56G form之後便可親身去到稅局填寫報稅表(BIR60),如果需要申索支出、 個人進修開支、捐款、贍養子女供養父母等等免稅額記得一定要帶齊相關佐證文件呀(P2),例如子女免稅額就需要提供子女出世紙副本,物業貸款利息就需提供銀行供款文件等等。

 

免稅入息表

 

最重要嘅係,稅局有機會會追溯返你過去8年嘅扣稅記錄,要求你提供齊過去8年嘅扣稅證明文件,如果提供唔到,咁就需要補返之前嘅稅款差價,所以無論搵文件幾煩都好,都一定要帶齊補齊。

 

3. 補齊稅款之後,收到同意釋款書,僱主釋款

如果經評稅主任評定而需要補繳稅款嘅話,係可以現金、EPS或自動櫃員機繳交嘅,當所有事情處理完之後,稅局就會發出一張同意釋款書(letter of release),攞住呢封信就可以去搵僱主攞返你最後一期嘅人工喇。

 

如果離開香港前無清稅或者因為資料有遺漏,未能夠及時完成清稅,咁稅局就會根據返你僱主俾嘅資料,做一個估計評稅,有機會會估高咗,到時就需要再多啲手續去claim返多俾嘅錢,相對就會麻煩啲。

 

又有朋友仔問,我雖然係離開香港,但我香港層樓唔賣,諗住keep住收租,或者我有間公司都繼續run緊,咁我使唔使清稅?

 

如果離開香港但無出售物業或者結束公司運營,咁就唔需要通知稅局清稅喇,但需要將自己移民後新嘅通訊地址(如有)通知返稅局,離港後,可如常每年提供報稅表,申報返物業租金收入或者公司業務嘅利潤/虧損就無問題喇!

 

是否通知稅局清稅

如果你有關於移民稅務的任何疑問,歡迎聯絡我們,我們的專業會計師團隊為你提供咨詢服務。