company_logo
主頁過往講座會員專區關於我們
company_logo

【離岸信託 Part 1】設立信託香港好定新加坡好?

2022年04月26日

「中國未來30年將會有78萬億元財富傳承比下一代。」——《胡潤百富榜》創刊人胡潤

 

我哋可以簡單想像得到,家族信託嘅需求將會越來越大:一邊係中國「創一代」經過了數十年財富積累之後,財富管理、跨代傳承嘅需求;一邊係金融機構近年來加大對家族信託業務嘅佈局。當然,唔淨止得中國人對家族信託嘅重視提高,全球各地其實都一樣,根據瑞信研究院發佈嘅《2021年全球財富報告》,全球家庭財富總額為418.3萬億美元,同比增長7.4%。

 

隨住全球財富嘅增長,對財富管理專才嘅需求比以往更大、更多樣化。中國同埋遠東地區喺財富管理複雜性同埋高資產淨值人士數量增長尤其明顯。單喺2020年就多左521.1萬名資產超過百萬美元嘅富豪,疫情完全無耽誤到富豪們去賺錢。特別留意嘅係科技企業嘅財富創造正喺度不斷上升,地位佔比亦越來越突出,意味住高資產淨值人士群體多左一班年輕人,令到好多資產管理受託人對傳統家族信託嘅理解,甚至對理財專才或技術嘅追求有所不同。

 

香港及新加坡近年來推出新監管法律,提高私人財富管理嘅安全性及便利性,大大提升兩座城市係財富管理、國際金融市場上嘅地位。小編今次會講一講香港同新加坡兩地設立信託嘅不同之處。

 

相關文章:

於上市前設立信託如何保護您的資產,以Gucci家族為例子

【BNO移民英國】移民前如何通過開立信託來少交稅?

 

法律體系嘅安全性:

香港及新加坡都係前英國殖民地,香港就喺1997年回歸中國,而新加坡就喺1959年獨立。總括來講,兩地法律都遵循英國普通法,整體法律體系同人身安全上嘅保障都係咁強而有力。

公民個人權利方面,兩地都注重個人隱私保護,香港有《個人資料(私隱)條例》,新加坡有《個人數據保護法案》;司法判決嘅做法亦差唔多,兩地法院審案亦都需以先例為判決基礎;執法嚴厲程度亦都差唔多,兩地犯罪率一直非常之低;

 

金融市場上設有成熟嘅監管制度,香港有HKMA(金融管理局),新加坡有MAS(金融監管局),分別都有極高嘅獨立性和權威性對行業進行監管;對於金融市場嘅法律規管,反腐、反逃稅、反洗黑錢、反恐怖分子資金籌集等等都有國際標準嘅憲章做保護;

最後信託法方面,香港有《受託人條例》、《信託承認條例》,新加坡有《信託公司法》,都會對信託服務供應商進行現場檢查和非現場審查,確保所有行為合法、合規、合情、合理。

 

信託設計嘅獨特性:

信託組成架構都係包括委託人、受託人、受益人,兩地信託都係咁樣設計出來。而且設計嘅自由度同埋限制都唔大分別,因為上一部份提過兩地都係行普通法。譬如兩地都可以設定唔同嘅信託種類(包括慈善信託、家庭信託、集體投資信託、法定信託、外國信託等等),同時亦唔允許委託人直接管理自己嘅資產(而必須由受託人擔任控股公司董事),甚至兩邊都可以幫公司利用信託嘅形式實現員工股權激勵計劃。

 

不過,小編接觸過兩地信託安排,都發現有啲細微差別可以分享一下!例如喺新加坡,每個信託嘅名稱必須用「信任」一詞做收尾,香港就無咩特別要求。又例如喺新加坡成立信託唔需要向政府註冊,更加唔會有任何公共記錄或信息被任何政府機關披露,隱密性絕對高。反而喺香港公司註冊處,公眾好容易搵到份《信託公司註冊紀錄冊》或者叫做《信託或公司服務持牌人登記冊》。

 

當然大家最關心嘅就係成立信託牽涉到嘅費用啦,直接咁講,新加坡公司持有成本非常高,年費都講緊五位數字坡紙。如果大家想喺香港搵一間性價比高嘅受託人,小編絕對有心水可以介紹,仲可以比到優惠大家去慳左個成立費添!

 

系列文章:

【離岸信託 Part 2】香港同新加坡信託深入比較 | 稅務規劃,信託法,金融體系

【離岸信託系列3】3個設立信託香港好過新加坡的優勢,語言文化差異都緊要

 

想知道更多香港、新加坡兩地信託設立利弊比較?請留意我們離岸信託系列文章。歡迎隨時聯絡我們咨詢成立費用同轉介可信賴的受託人。

 

 

精選文章

專業團隊分享高質量投資資訊

精選文章

專業團隊分享高質量投資資訊

聯絡我們

聯絡我們

請選擇
phone
+852 5104 6282
phone
+852 5104 6282
location
23F, 633 King's Road, Quarry Bay, Hong Kong
location
23F, 633 King's Road, Quarry Bay, Hong Kong
想了解更多資訊?
想了解更多資訊?
© 2022 Royal Consulting Group Limited. All rights reserved.
© 2022 Royal Consulting Group Limited. All rights reserved.
phone