company_logo
主頁過往講座會員專區關於我們
company_logo

【離岸信託 Part 2】香港同新加坡信託深入比較 | 稅務規劃,信託法,金融體系

2022年05月20日

我地上篇文章有分享過係香港同新加坡設立信託各有咩利弊。今次我地就進一步分享下兩地信託設立更多訊息。包括稅務、永續性同埋金融體系比較。其實你又知唔知,信託係可以不設有效期,永續咁傳承財富俾下一代。

 

系列文章:

【設立信託系列1】設立信託,香港同新加坡各有咩利弊?

【離岸信託系列3】3個設立信託香港好過新加坡的優勢,語言文化差異都緊要

 

稅務規劃嘅效果

 

小編認為兩地稅務狀況都差唔多,基本上離岸信託都有好多位唔洗交稅,因為本身主要產生境外收入,包括:境外物業租金收入、境外股息債息、境外單位信託利潤分配、境外套現獲利嘅資產增值。額外資訊,新加坡有個位比較優越,就係非當地居民嘅受益人,就算喺新加坡境內得到信託分配,都唔洗交個人所得稅。因為由受託人徵稅,而且若果個信託屬於QFT(合格外國信託),將來不論係委託人或受益人做埋新加坡居民或公民,QFT嘅免稅期仍然繼續保留(為左鼓勵外國人移民至新加坡)。

當然,境內產生嘅任何收入就要被徵稅啦,因為兩地都係行地域管轄權,但可以放心兩地本身嘅稅率相對較低,稅基亦唔算闊。香港、新加坡都無遺產稅,無資本增值稅,個人所得稅同埋企業所得稅比各金融強國都低好多好多。香港嘅個人所得稅累進稅率介乎2-17%,新加坡嘅就介乎2-22%;香港嘅企業所得稅稅率為16.5%,新加坡嘅就係17%,而且對初創企業頭三年仲有50%-75%嘅稅收優惠,政府亦為推動家族辦公室行業發展,而出左一啲牌照相應豁免及稅務優惠嘅政策。

另外,兩地都無股東分紅稅、資本利得稅、增值稅等複雜嘅稅制,極其量只有資產轉讓嘅時候,交下印花稅同審計申報。不過大家都要警惕自己,因為唔同個案有唔同嘅稅務因素要考慮,例如受託人有其它國藉,受益人長期身處於兩地以外地方,又或者資產遍佈全球唔同地方,咁就要留意埋其他國家嘅稅法啦。因為香港/新加坡唔洗交稅,並唔代表其他國家唔會徵你稅架,如果大家需要國際專業會計師提供稅務諮詢,小編會落力去幫你!

 

信託法嘅永續性

 

呢點可能大家都唔知道,其實信託係有壽命嘅,就好似內地買樓,住宅用地權頂盡得70年,唔似保險產品可以做到終身,甚至無限次轉名去跨代承傳。所以大家要留意,如果以保護家族財富流芳百世為最高目標嘅話,就要知道新加坡嘅信託係得100年期嘅。雖然100年係長,通常都足夠,但唔通真係到期果陣先再同法律顧問協商去另起一家信託公司咩?個個都希望信託結構能夠永久穩固,先保障到繼承計劃嘅可行性。試想像一下,其實你唔會永遠親眼見到呢個信託計劃嘅施行,分分鐘連你嘅法律顧問將來都唔喺世上啦。但香港係呢個部份既法例就好好多,作為一個實行普通法體系嘅法律管轄區,自2013年12月香港信託法修訂之後,完善保障信託嘅執行,香港信託係可以永久年期架啦。

 

金融體系嘅全面性

 

作為國際金融中心,香港嘅金融體系規模與資金流動性比新加坡大好幾倍,投資品種同埋監管制度都非常國際化,可以配合客戶需求同經濟週期,妥善靈活配置。香港股市嘅活躍度大很多,每年吸引好多境外企業黎IPO(首次公開募股),尤其係2018年嘅上市條例改革後,雙重股權結構吸引左好多H股同埋紅籌股係香港上市。反之,新加坡嘅S股市值、成交量等各方面都細好多,加上官方投資機構「淡馬錫控股」主導左星股各個產業。雖然新加坡經濟發展局近年推出左GIP(全球商業投資者計劃),吸引全球高凈值資產企業家移居新加坡,但相比香港市場既自由度仲有一段距離。投資理財往往都係家族信託好重要嘅元素,要做到跨代財富增值,香港就較為適合。

 

相關文章:

於上市前設立信託如何保護您的資產,以Gucci家族為例子

【BNO移民英國】移民前如何通過開立信託來少交稅?

 

  • 想知自己的資產如何通過信託永久傳承?
  • 想知信託設立步驟同時間表?
  • 想比較多幾間信得過嘅受託人?

立即搵我地咨詢同推介啦!

 

 

私人銀行轉介服務,信託設立服務咨詢

精選文章

專業團隊分享高質量投資資訊

精選文章

專業團隊分享高質量投資資訊

聯絡我們

聯絡我們

請選擇
phone
+852 5104 6282
phone
+852 5104 6282
location
23F, 633 King's Road, Quarry Bay, Hong Kong
location
23F, 633 King's Road, Quarry Bay, Hong Kong
email
admin@wealthcafefinance.com
email
admin@wealthcafefinance.com
想了解更多資訊?
想了解更多資訊?
© 2022 Royal Consulting Group Limited. All rights reserved.
© 2022 Royal Consulting Group Limited. All rights reserved.
phone