company_logo
主頁過往講座會員專區關於我們
company_logo

調查發現高學歷專業人士是港人移民英國中堅份子,永久離港達到96%

2022年05月18日

英國內政部喺2021年委託IFF Research進行了一次持BNO簽證移英港人情況的調查。隨機抽樣選取了500位移英港人,分別於2021年中同年尾分兩波進行調查,內容涵蓋年齡、學歷、婚姻狀況,職業狀況等。Wealth Café 為大家整理調查結果,希望比到大家移居英國港人的狀況作參考。

 

相關文章:

真實案例 馬鞍山業主移英煩惱——點可以唔賣樓清還貸款再按年袋4萬

移英後賣港樓要交幾多資產增值稅?售出時機好重要

又遺產稅 又免稅額,唔識玩分分鐘少一半身家

 

年齡分佈上,截至2021年9月30日前,佔絕大多數嘅係35-54歲人群。其中35-44歲的青壯年佔比32%,睇得出今次移民潮總體都係職場中堅人群為多。男女比例上大致平均,女性比男性高出4%。

 

就學歷上睇,有69%以上移英港人係Degree甚至以上學歷。專業人士達到65%以上,高級管理人員11%,行政人員13%。表明呢批移英港人可能以高學歷、高收入的專業人士為主。亦反映了今次移民潮中堅力量係專業性方面的優勢,去到英國可能並不怕搵唔到工。

 

*港人移民英國調查:年齡分佈

*港人移民英國調查:教育水平

 

至於婚姻狀況就幾有趣,已婚或者伴侶關係(未婚但同伴侶有2年以上穩定同居關係)嘅佔比達到98%,即係大多數過來英國的港人都已經有家室。而且根據調查結果,90%嘅人群係夫妻一齊過來英國,另有8%係伴侶正考慮來英國。

 

多達六成嘅受訪者係已有至少1個小孩。而小孩的年齡層中,4-10歲佔比48%,11-15歲佔比43%,都係啱啱接受小學/中學教育的階段。可以話好多家長移居英國,子女教育都係一個需要考慮的重要因素。

而調查結果亦顯示,全家所有孩童一齊移居英國嘅比例達到93%。即係話大部分家庭係全家移英,同97時所流行既太空人部署有好大分別。

 

而對於受訪者停留英國既時間,調查發現打算長期居留甚至永久居留的港人達到96%,坊間所講今次移民潮出去不再返來的可能性真係好高。

 

*港人移民英國調查:婚姻狀況

*港人移民英國調查:伴侶所在地點

*港人移民英國調查:孩童數量

*港人移民英國調查:孩童年齡分佈

 

另外,我地留意到呢個調查係去年做嘅。當時專業人士佔比咁大,可以理解係佢地異地搵工比較容易,冇太多考慮就可以過去。而今年就我地Wealth Café 接觸到的案例則發現,高資產人士將會係下一批移英主力。佢地本身有大量資產需要時間處理,而經過咗2021年的準備,佢地也開始身體力行。

 

*港人移民英國調查:職業狀況

*港人移民英國調查:留英意向

想知道更多移民英澳加資產點處理?外國稅項同香港完全不同,移民前需要點規劃先可以有效慳稅?立即搵我地Wealth Café幫手啦!