【私人銀行】什麼是Private Bank？所謂「高端服務」都有啲咩呢？

私人銀行離岸戶口多元化嘅服務，已經唔係單單解決佢地資金調離嘅問題，亦都滿足到各種各樣嘅資產增值嘅要求。

 

我地出過一篇文章關於離岸銀行戶口嘅介紹，得到好多客戶諮詢。（參考：【滙豐烏龍引致市民擔心資金安全，一文睇清海外戶口申請攻略】）簡單來講，離岸銀行戶口就係非原居地銀行開設的戶口，作為一個叮噹時空門將資金轉移境外，唔洗再受到原居地監管、外匯管制等等潛在危機威脅。

 

不過，上篇文章只係提及普羅大眾接觸到嘅離岸銀行戶口，亦即係零售銀行提供嘅離岸戶口服務，戶口要求頂盡都係10幾萬美金左右，但其實只要多少少資金，去到100萬甚至過1,000萬美金，你就有機會躋身私人銀行嘅行列，享受私人銀行離岸戶口服務不一樣嘅世界。

近期小編正正遇到越來越多客戶，手上流動資產充裕，對資產管理及規劃有更複雜嘅需要。小編所介紹嘅私人銀行離岸戶口多元化嘅服務，已經唔係單單解決佢地資金調離嘅問題，亦都滿足到各種各樣嘅資產增值嘅要求。

 

小編都想喺度趁機分享一下，私人銀行嘅主要優勢同埋過往解決客戶需要嘅服務經驗。

 

 

1. 投資工具更齊全

不淨只有定期、保險、港股或環球基金，私人銀行離岸戶口可以讓客戶投資世界各地各式各樣嘅金融資產。

因為本身私人銀行專門面向高端富有階層，主要為富豪提供個人資產管理服務，當中結合埋跨境投資、稅務規劃、法律諮詢、家庭信託等多種金融服務，投資至全球超過120個市場嘅股票、期權、期貨、期指、債券、外匯、固定收益產品、對沖基金、結構性產品等等。

 

順帶一提，小編甚至見過有個客戶提出要買日元債券，私人銀行都可以做到架，而且交易費用都會比坊間嘅特惠，因為有啲私人銀行係直接用債券市場價上架，唔會好似零售銀行咁有買賣差價去收費。

 

2. 市場資訊豐富

作為頭等艙嘅私人銀行，提供嘅配套都會特別完善同埋方便，喺客戶進行理財投資上面得到貴族式嘅享受。

佢地每日都會向客戶提供個人資產組合嘅概覽，同埋組合中投資品嘅全面資訊，而且一定有一個專人隨時候命，協助客戶進行資產調整。

隨此之外，往往你會見到銀行集團轄下總會有一家資產管理公司，例如摩根資產管理（J.P. Morgan Asset Management）、瑞銀資產管理（UBS Asset Management）、瑞信資產管理（Credit Suisse Asset Management）等，專門推出一份又一份研究報告，由銀行嘅分析師團隊完成，向客戶分享及銷售相關產品或服務。

 

 

3. 增值專業服務：跨境資產配置、稅務規劃、法律顧問、家族信託

• 私人銀行團隊無時無刻關注全球可以搵錢嘅機會，同全球各地與財富有關的專業人士互惠互利，向客戶提供度身訂造嘅理財方案。
• 私人銀行可以建議客戶設立離岸公司，購買境外資產、商品，甚至海外房產等等；
• 私人銀行亦可以通過註冊會計師，為客戶分析環球各國稅法規定，為佢地進行籌劃資產架構設計，達至精明合法納稅；
• 私人銀行更會提供大大小小嘅資深法律顧問，就著資產周轉、遺產繼承等問題提供解答；
• 私人銀行甚至有自己的信託基金受託人安排財產承傳，或者延續家族企業嘅營運。當然我地見到唔少負面新聞都同滙豐信託有關，例如理應信託嘅目的之一係保護家族財產，以便一直流傳下去，但見證梅媽媽一路以來消耗已故藝人梅艷芳嘅遺產，與信託嘅目的背道而馳，令我地開始檢視銀行信託嘅價值，小編來緊都會寫一篇文章特別分析信託嘅種類同比較。

 

4. 貴賓尊享體驗

小編純粹愛分享，就忍唔住講多少少！作為保姆級嘅私人銀行，亦會為客戶安排機場貴賓待遇、高爾夫球娛樂、藝術品鑒賞、醫療健康護理、貼身商務秘書、高端人士酒會籌辦等等嘅娛樂服務。

請注意，私人銀行嘅核心應該專注喺財富管理方面，如果今日幫你買下機票，聽日幫你買下字畫，你都會對佢自身嘅專業性打幾個問號啦。

所以請記住，呢個並唔係私人銀行嘅核心業務，雖然有啲都照樣願意提供服務。

 

不過以上都係啲普遍認知嘅優點，仲有一啲鮮為人知嘅特色，唔係間間私人銀行都會提供得到！我地Wealth Café 有20間以上的友好私人銀行，我地做咗一個橫向比較，下一篇文話你知坊間唔多嘅特別服務！